صنية سمك الفيلية بحشوة البازلاء والجزر والصلصه البيضا بالشبت

اولا :_صنية سمك الفيلية بحشوة البازلاء والجزر

والصلصة البيضاء بالشبت (صوص ابيض بالشبت)
سمك فيلية غسلته كويس بالملح الليمون



تبلت السمك بال (كزبرة خضرة مفرومة ناعم + كزبرة ناشفة + كمون + سماق + ليمون + ملح )
وسبته لتانى يوم



الحشوة
(بصل مكعبات + فلفل اخضر مكعبات + طماطم مكعبات +جزر مبشور +بازلاء +شبت مفروم )



حطية معلقة زيت على النار وشوحت فيها البصل (من غير ما يتغير لونة تدبل بس )
بعدها حطيت البازلاء والجزر وسبتهم حبة وبعدها حطيت الطماطم والفلفل



وبعدها حطيت التوابل نص معلقة صغير من كل (كمون + كزبرة ناشفة + بابركا + ملح + فلفل اسود +سماق )
وسبتهم لحد ما ميتة نشفت



واخر حاجة حطيت الشبت


وسبتها على جنب

هنا حضرت الصوص الابيض بالشبت

حطيت معلقة زيت على النار وبعدها ضفت عليها 3 معالق دقيق وشوية ملح وشوية فلفل اسود وقلبته لمدة دقيقة
وبعدها ضفت كوباية ونص مية (لو فى شروبة سمك نستعملها بدل المويه ) مع التقليب لحد ما غلى و تقل وصار كريمى جميل



فى الغلوة الاخيرة حطيت شبت مفروم ناعم وشلته من على النار (ممكن بدل الشبت يبقى بقدونس او ليمون او بقدونس ليمون او شبت وليمون )





كنت محضرة صنية و غلفتها من جوة بورق فويل ودهنة بالزيت
وحطيت فيها طبقة خفيفة من الصوص الابيض عشان يحمى السمك



وبعدين حطيت السمك المتبل




وبعده حطيت الحشوة اللى حضرنتها من البازلاء والجزر



وبعدها حطيت طبقة سمك تانية




اخر حاجة حطيت باقى الصوص الابيض اللى بالشبت



ولفتها بورق فويل عشان اضمن انه السمك يستوى من غير ما القع يتحرق
ودخلتها الفرن
واول ما بدت تغلى شلت الفويل من عليها عشان انشفها قد ما اقدر
لما استوت طلعتها من الفرن
واآو ريحة تجنن





منقووووووووووووووول

يعطيك العافية
طبق شهي

الله يعااافيك روونق
شااكره مروورك وردك العطر

بارك الله فيكم ونفع بكم
طبق رائع
تسلم ايدك على النقل المميز

الله يسلمك فله
اسعدني مروورك وردك العطر