السلام عليكم رحمة الله وبركاته
حبيت ان استشيركم في هالموضوع اللي شاغل فكري
فأنا قبل قليل نضمت كم بيت ( على فكره ترا ما ني شاعر بس اتشيعر ههههه)
لواحد من الشباب يقول لازم توسي لي كم بيت ابرسلها لولد عمي بيتزوج بكره
قلت يا ابن الحلال ترا ما عندك احد
قال لا والله الا لازم ولو شخاميط
قلت والله انك بتوهقنا على كذا
قال اجل اسمع انا بعطيك ابيات وتنضم عليها
قلت حلو هاتها
قال:
ياذخر شيخٍ للصعيبات فكاك
شيخ الرجال اللي تحل النشبيا
***
ابوك درسك المراجل ورباك
وانته على هقوة زبون الصعبيا
***
لي الفخر في خوتك لا عدمناك
من راس ابن بدران جاك الكتبيا
***
قلت يا ولد والله القافيه صعبه شوي
قال مالك عذر
قلتله الله يعين واتجمل
عاد انا فحطت الين سويت هالابيات اللي هو يبي يرسلها لولد عمه اللي معرس
قلت:
مبروك لك عرسٍ توهج وحلاّك
وتحيةٍ ترفع مع الراس المقاميا
***
مبروك من قلبٍ ملكته ويفداك
وعسى حياتك ما تشوف النكديا
***
ماخاب ظنه اللي بالطيب اسقاك
حتى جنى منك الثمر وقت الحصاديا
***
هاذي رسالة حاضرٍ يوم فرحاك
ياليت تقبلها بصدرٍ رحبيا
*************************************
بس ترا الى الحين ما قد ارسلتها له
وش رايكم ارسلها والا لا؟
انا عارف انكم بتقولون وش ذا الخرابيط يا وسام
لكن تأكدوا اني اتقبل اقتراحاتكم وانتقاداتكم
بصدر رحب
واللي عنده خبره في الشعر لا يبخل علينا
وسلامتكم
وسام المملكهmbarasse