يا ترى الموضوع دة واجعكم زى ما هو واجعني؟

بسم الله الرحمن الرحيم
السلام عليكم ورحمة الله وبركاته
الموضوع دة مهم جدا الموضوع دة للي عايز يقرب ويرضي ربنا بس مش عارف ازاى؟
أخي وأختي الموضوع دة ابتدآ معايا بإحساسي قبل عقلي ازاى أتقرب وأرضي ربنا تعالوا نبدأ وحدة وحدة:
أنا دلوقتي عايزة أسأل سؤال هو ليه لما حد فينا يتكلم عن الدين أو ياخد بايد حد يقولولوا شيخ أو شيخة إحنا مش علماء إحنا مجرد أشخاص عرفين معلومة صغيرة بنحاول نقولها للناس اللي مش عارفه لكن إحنا مش شيوخ ولا علماء اشمعنا أيام الرسول عليه الصلاة والسلام مكنوش شيوخ مكنش حد بيقولهم ايوة يا عم الشيخ, كانوا ناس طبيعيين مش علماء ولا شيوخ كان لما يتكلموا عن دينهم كانت تبقى حاجة عادية, مش لاقية رد غير إن دينا ضعيف في الزمن دة أنا أد إيه بتوجع علشانه. عارفين لما يكون إنسان ضعيف وبيتعرض للظلم أدامكم وانتوا مش قادرين تعملوا ليه حاجة يمكن اللي هتحرك فينا هو دة اللي هينصر الإنسان الضعيف المظلوم أنا آسفة اني بشبه التشبيه دة لكن مش لاقية تشيبه أقرب من كدة, طيب إيه العمل دلوقتي؟ أولا ازاى أقرب من ربي؟
أولا: علشان أقرب ليه لازم أخليه في عقلي دايما وهبتدي باني أقرأ كل يوم صفحة قرآن وهكتب الأذكار في ورقة أخليها معايا دايما وأقرأ منها الصبح وبالليل وطول ما أنا قاعدة فاضية بدال ما أدندن أغني يعني هقول سبحان الله واستغفر الله ولا اله الا الله والحمد لله والله أكبر حتى وأنا قاعدة بعمل حاجة بدال ما أنا ساكتة هستغفر ربنا.
ثانيا: صلاتي هحاول على أد ما أقدر أنها تكون في مواعيدها أصل الصلاة دي ميعاد بيني وبين ربنا هحاول اني متأخرش عليه, ازاى يكون عندك ميعاد مع واحد صحبك وتحاول انك متتأخرش عليه وتتأخر على ميعادك مع ربنا؟وهحاول اني أكون خاشع في صلاتي ووضوئي.
ثالثا: أنا بسمع أغاني لكن مش قادر أبطلها, معاك حق إحنا اتربينا على الأغاني طيب أقولك حاجة حاول أنك تخفف منها شوية واسمع قرآن واسمع أغاني دينية وحاول تجرب حاول على أد ما تقدر.
رابعا: علشان انصر ديني ومخلهوش ضعيف مظلوم أنا عندي شوية معلومات وأنا هتقابل مع صحابي النهار دة وإحنا قاعدين وبنتكلم هفتح الموضوع وأقولهم على المعلومات اللي أعرفها أصل إحنا كدة كدة قاعدين وبنتكلم وبعدين مش هخسر حاجة بالعكس دة أنا هاخد حسنات وأبقى اتكلمت عن حاجة من ناحية ربي مش انت لما تحب حد وحد جالك من ناحيته تحب تقعد وتتكلم معاه عن اللي بتحبه؟ أصل أنا بحب ربي وعايز أكلم الناس كلها عنه أنا فرحان بيه وبحبي ليه مخليني حاسس بالأمان والسعادة.
خامسا: قضاء الله أنا لأني بحب ربي أنا جالي قضاء الله جالي من عند ربي مش مهم اذا كان خبر هيفرحني ولا خبر حزين المهم انه جالي من عند حبيبي,تخيلي ان حبيبك بعتلك حاجة هيبقى المهم عندك انه حاجة من ريحته صح؟
أنا كنت بعمل اللي فات دة علشان أكون قريب من ربنا وكان ربنا في عقلي دايما بس لاحظت بعد شوية اني مش بنسى ربنا, دايما فاكره مش كدة وبس لاء وبدأت أحس بحبي ليه في قلبي وبدأت أحس بالسعادة بسبب الحب دة.
أنا هنا كنت عايزة أوصل لمرحلة عدم النسيان والحب أصل الحب بيخلي الإنسان يعمل أى حاجة لحبيبه. هاجي بعد كدة لمرحلة اني ازاى أرضي ربنا؟
دي بئة بسيطة جدا أصلك لما تحب حد تعمل المستحيل علشانه وتحاول تبذل جهد كبير انك متزعلوش, أعرف أنك بدال وصلت للمرحلة دي يبقى أنت عديت الصعب وأدعي ربك كتير لأن الدعاء بيثبت ادعيه انه يثبت حبك ليه في قلبك والحب دة ميفرأكش ولا لحظة. أنا بهدي الموضوع دة لإنسان صدمني رده لأني خايفة عليه من الدنيا وما فيها وما أدراك الدنيا وما فيها ربنا ينجينا من الدنيا بسلامة قولوا آمين؟

يعني انتوا معايا لما أقول ان الاحترام ممكن يسمح للانسان انه يقع في أخطاء كتير لكن التدين أو تقربك من الله عز وجل هيقلل الوقوع في الاخطاء دي بشكل ملاحظ.ناس كتير خايفين من الالتزام لكن ممكن أقولكم حاجة انتوا ليه بتبصوا ليها من دلوقتى ابدأوا بالحاجات البسيطة دي وبعدين هتلاقوا نفسكوا بدون ما تشعروا بتقربوا لربنا أكتر بتحاولوا انكم ترضوه على أد ما تقدوا ومن غير ما تقول كلمة التزام وتصعب الموضوع على نفسك هتلاقيك التزمت, هاااااااا يا ترى هنحاول نقرب لله تبارك وتعالى يلا يا جماعة متخلوش الكسل يغلبكوا أقصد الشيطان يغلبكوا, أنتوا عارفين ان الشيطان جبان يخليك تقع انت في الغلط ويطلع يجري ويقولك اني أخاف الله يعني هو بيخاف الله طيب وأنت؟ المشكلة بين أيام الرسول ودلوقتي ان دلوقتي احنا مسلمين,الكفار منقدرش نعتب عليهم لأنهم كفار لكن احنا مسلمين محدش قادر يفهم معنى الكلمة دي لكن ناس كتير مسلمين بالاسم ودي حاجة فعلا تخلي الانسان حزين, مش قادرة أقول حاجة غير لا حول ولا قوة الا بالله.
أنا بكتب الموضوع دة وأنا بتألم وحزينة اني مش قادرة اعمل حاجة غير اني بكتب يا ترى إيه اللي أقدر أعمله؟ ,من فضلكم انشروا المواضيع اللي بكتبها يمكن تهدي إنسان واحد وأدخل بسببه الجنة.
أقول قولي هذا واستغفر الله لي ولكم, أدعوك يا ربي ويا الهي ويا حبيبي ألا تجعل مصيبتي في ديني وعرضي.

انتوا معايا لما أقول ان الاحترام ممكن يسمح للانسان انه يقع في أخطاء كتير لكن التدين أو تقربك من الله عز وجل هيقلل الوقوع في الاخطاء دي بشكل ملاحظ.ناس كتير خايفين من الالتزام لكن ممكن أقولكم حاجة انتوا ليه بتبصوا ليها من دلوقتى ابدأوا بالحاجات البسيطة دي وبعدين هتلاقوا نفسكوا بدون ما تشعروا بتقربوا لربنا أكتر بتحاولوا انكم ترضوه على أد ما تقدوا ومن غير ما تقول كلمة التزام وتصعب الموضوع على نفسك هتلاقيك التزمت, هاااااااا يا ترى هنحاول نقرب لله تبارك وتعالى يلا يا جماعة متخلوش الكسل يغلبكوا أقصد الشيطان يغلبكوا, أنتوا عارفين ان الشيطان جبان يخليك تقع انت في الغلط ويطلع يجري ويقولك اني أخاف الله يعني هو بيخاف الله طيب وأنت؟ المشكلة بين أيام الرسول ودلوقتي ان دلوقتي احنا مسلمين,الكفار منقدرش نعتب عليهم لأنهم كفار لكن احنا مسلمين محدش قادر يفهم معنى الكلمة دي لكن ناس كتير مسلمين بالاسم ودي حاجة فعلا تخلي الانسان حزين, مش قادرة أقول حاجة غير لا حول ولا قوة الا بالله.

يعطيك العافيه أختي
innocent

نسأل الله أن يحفظنا من كيد الشيطان وشركه

بارك الله فيك

لاحرمت الأجر

نترقب منك المزيد

ربنا يكرمك أخي أبو فراس وأرجو أن تتابع مواضيعي وتديني رأيك.