من الموروث " قصص ـ قصائد ـ حكم "

احببت ان أنقل لكم بعض من الموروث الشعبي من قصائد وقصص وغيره

سوف ابداء بقصيدة للشاعر

ضاري بن فهيد الرشيد

الله من قلب دبـل كبـد راعيـه

قام يتدرّق مثل شمـس المراتـي

ما يرعوي للنصح من دون طاريه

لياما غدا بيـن الحذاوالصفاتـي

أرجع واهون وافتكر في مواضيه

وليا الحسايف ماتـرد الفواتـي

كم واحد يطرف عيونـه بياديـه

ويفارق الغالي على ادنى حكاتي

عزّي لمن عمره مضى في تمنيه

ماهمّه إلا قول ويش السواتـي؟

ياقلب ذا وقت عسى الله يمضّيـه

وياراكب اللي تقل فـزّة قطاتـي

حرَّهمـيـم لـلـوازم معفّـيـه

مـن يـدي عـلـوم الثبـاتـي

يلفي على خـل ولانيـب كاميـه

صحيبي اللي ينطـح الملزماتـي

هوشوق من كل العسل بين اشافيه

اللي قرونه بالحجـب شارعاتـي

فيا ركبه لى جيت عنـد ناصيـه

الليث (ابوصالح)عطيب الرماتـي

تلفى على اللي دايم القلب يطريه

حيث ان ماغيـره رفيـق ثباتـي

سلا مشتـاق ليـا شـاف غاليـه

به اختلط حبل الرجا والمماتـي

فان قال كيف اللي علينا حواليـه

قلـه رفيقـك ساهـر مايبـاتـي

متحيـز ماعنـده احـد يشاكيـه

إلا صديق مثل وصـف العداتـي

هـذا زمـان كاثـرات بلاويـه

ماله من الحيـلات كودالسكاتـي

نعم احبك

سعدون العواجي امير فخذ الجعافرة من عنزه
القصة بدات تزوج امراه من قبيلة الفدعان من عنزه
وجابت له ولدين (عقاب و حجاب)
لكن قدر الله ان سعدون يطلق مرته وتروح لاهلها في بادية الشام . وبقى سعدون عند ربعه
لكن بعد ماكبر فيه السن . قام واحد من جماعته واخذ منه الامارة . واسمه شامخ
ولم يكتفي بذلك فقط بل هدم خيمته وجعلها في اخر العرب
ومنعه من ان يارد على البير مع حلاله الا اخر الناس
فضاقت حاله
من الاهانه التي حدثت له وكان يسمع عن ابنيه و شجاعتهما
فأشار عليه احدهم بأن يرسل في طلبهم ويخبرهم حاله
فارسل مع احدهم هذه القصيده :

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياراكب مـن عندنـا فـوق مهـذاب=مأمـون قطـاع الفيافـي لياانـويـت
امن الفضيلـه عـد يوميـن بحسـاب=اول منازلهم قول ياضيف حييت
واسلم وسلم لي على عقـاب وحجـاب=سلم علـى مضنـون عينـي ليالفيـت
وبالحال خص عقاب فكـاك الانشـاب=ينجيك كان انك عـن الحـق عديـت
قله ترى شامخ شمخ عقب ما شاب =وياعقـاب والله ذللـونـي وذلـيـت
وياعقاب حطو بثومة القلـب مخـلاب =مـن العـام فـي نــومي ترى ماتهنـيـت
الجفن عـن نـوم المـلا فيـه نتـاب =وحتى الطعام مدوس ٍ بـه حلاتيـت
عقب المعزه صرت ياعقاب مرعـاب =والنـاس حييـن وانـا عقبكـم ميـت
من الضيم ياذيب السرب عارضي شاب =واضويت من كثير العنـا واستخفيـت

وياعقاب حدونن علـى راس ماطـاب =وقالو تودر من ورى المـاء وتعديـت
من عقب ماني سترهم عنـد الاجنـاب =ولـيـا بلتـهـم قالة ٍ ماتتـقـيـت
مادام شامـخ مالـك جـرد الارقـاب = لـو زيـن الفنجـال لـي ماتقهويـت
وفاتن ثلاث سنيـن والنـوم ماطـاب =وشكواي من صـدري عبار وتناهيـت
البيـت مايبنـى بلاعمـاد واطنـاب =متى يجي عقـاب يبنـي لنـا البيـت
ارجي بشير الخيل مـع كـل هبـاب =ومتى يجون اخوان نمشا هل الصيـت [/poem]

فسمع عقاب واخيه القصيده ومن يومها وهم منطلقين الى ابيهم

فوصلوا عند حدود مضارب القبيلة فقال عقاب لاخيه وصاحبٍ معهم لااذكر اسمه
انتظروا هنا واذا طلعت انتصفت الشمس ولم أتي لكم فقد ذبحت

وانطلق الى الرعيان
فوجدوا الابل تريد ان ترد البئر فقال عقاب لراعي شامخ
اجعل ابل سعدون او ل من يرد فقال له الراعي : ان شامخ بيقتلني

فقال له عقاب افعل والا قتلتك
ففعل
وكان شامخ يراقب الوضع فجاء غضباناً

وهو يلوم الراعي

فلما وصل البئر خرج له عقاب من بين الابل

فنزل شامخ الى البئر خائفاً

وقال له لاتذبحني ياعقاب

قال عقاب وش دراك اني عقاب
فقال شامخ : من يو م شفت شنبك وانا عارفك ( يذكر ان شنب عقاب يأصل الى ما وراء اذنه

فقال له عقاب اطلع
فقال شامخ لن اخرج حتى تعطيني الامان
فقال عقاب اما وانك كذا فاللي يحكم عليك ابوي عقاب والا انا ما اتشرف بذبحتك

فخرج وارسل الى اخيه وصديقهما
ودخلوا به الى ابيهم الذي كان قد حسب لهم وعرف انهم اليوم او بعده سيأتون

فحكم عليه سعدون بأن لايمد له فنجال ابداً

وان يطق له بيت شعر على شكل 8 اللي هو حق الصلب

وتمت القصة

عندما بلغ سعدون العواجي خبر مقتل ابنيه حزن عليهما جداً خصوصاً على عقاب فقال عدة مراثي اشهرها

هذه القصيدة :

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياونة ونيتها تسع ونات = مع تسع مع تسعين مع عشر الالوفي

مع كثرهن باقصى الحشا مستكنات = اعداد خلق الله كثير الوصوفي




ونه طريح طاح والخيل عجلات = كسره حدا الساقين غادٍ سعوفي



على سيوف بالملاقى مهمات = سيفين اغلى ما غدا من سيوفي




وعلى محوص بالموارد قويات = اسقى بهن لو القبايل صفوفي




احشم بجشمتهن ولو هن بعيدات = وانام لو ان الضواري تحوفي




خليتني ياعقاب مابه مراوات = عيالك صغار ٍ والدهر به جنوفي




من عقبكم مانبكي الحي لو مات = ولاني على الدنيا كثير الحسوفي





وياطول ما جريت بالصدر ونات = على فراق معطرين السيوفي






ويا عقاب عقبك شفت بالوقت ميلات = واجست انا من ضيم بقعا حفوفي






مرحوم يانطاح وجه المغيرات = ان جن كراديس السبايا صفوفي







مرحوم يامشبع سباع مجيعات = وعز الله انه عقبكم زاد خوفي






الخيل تدري بك نهار المثارات = ياللي على كل الملا فيك نوفي





والخيل تقفي من فعولك معيفات= تأطا شخانيب الرضم ما تشوفي

[/poem]

جزاك الله خيرا

مع تحياتي
اخوكم
احمد

ياهلا ويامرحبا شرفتنا

نعم أحبك

الله يزيدك شرف
وهنا وسعادة في الدنيا والاخرة


مع تحياتي
اخوكم
احمد

يقول المثل :خربانه من الجد الاول

ولهذا المثل قصه

وهي ان كان ياماكان في قديم الزمان

كان هناك رجل وله ولدين ولا واحد منهم يشبه له

فالاول ابيض بياضا شديدا

والثاني اسود سوادا شديدا

وكان هذا الرجل يحس بنظرات الناس وتهامسهم من جرا بعد الشبه

بينه وبين اولاده مما اوقعه في الحيره والحزن

اشار عليه واحد من اهل بلدته بان يذهب الى فلان من الناس

وهو رجل حكيم يسكن في بلدة اخرى لعله يجد له حلا

وفعلا

ذهب اليه وقص عليه قصته


قال له شف ابرسم دائره كبيره ونام فيها انت وعيالك

اذا قمت الصبح شف اللي معك داخل الدائره فهو ابنك فعلا ،

واللي بتلقاه (متدربي )وطالع برا الدائره ترى ماهوب ولدك

(وفي روايه انه نومهم داخل حوش وقال له نفس الكلام )








لما صحى الرجل في الصباح









وجد انه هو واولاده كلهم خارج الدائره ،

فقال قولته المشهوره :قوموا ياعيالي ،خربانه من الجد الاول .



نعم احبك

ههههههههههههههه

بارك الله فيك

ولا حرمنكك الله الاجر

مثل غريب

وقصة اغرب


مع تحياتي
اخوكم
احمد

احـــــ نعم ـــــبك

نبارك لمنتدى الاحبه في الله انضمامك اليه

ونتقدم اليك بجزيل الشكر والتقدير

على ابداعك الرائع مع بداية انطلاق مشاركاتك

كما لا انسى ان اهنئ الملتقى الادبي

بان اصبحت احد اعضائه

فالف مرحبا

حللت اهلا ونزلت سهلا

بين اخوتك في الله

واشكرك على هذا الموضوع المتميز فلاحرمك الله الاجر

احمد

شكرا لك


المشكاة

شرفتنا والله وتشكر على الزبرقة