حاجات بالدجاج
اول اكلة
بانية مقرمش على طريقتي وارز بالفلفل وبطاطس مخبوزة وسلطة خضرا
اولا البطاطس
هاتي حبات بطاطس واغسليها كويس ولفي كل واحدة بورقة فويل وحطيها في صينية ودخليها الفرن وسبيها لحد ما تجهزي الاكل كله حتلاقيها استوت
وقت التقديم حطيها في طبق وافتحيها من النص وحطي عليها لبنة او زبدة وملح وفلفل حسب الرغبة
الدجاج
بنعمل لها تتبيلة عبارة عن
زبادي
ملح
فلفل اسود
ليمون
خل
ونسبها في الخلطة دي على الاقل ساعة وممكن يوم
وقبل ما نقليها على طول نضيف لها بيضة
نعمل خلطة عبارة عن
دقيق وشوفان (كويكر) وبقسماط
ملح وفلفل اسود وبهار وبابريكا وبقدونس ناشف
نغمس فيها قطع الدجاج ونقليها
ثالثا الارز بالفلفل
دي المكونات
عبارة عن بصل مبشور وفلفل احمر واخضر مقطع مكعبات
ودي البهارت
ملح ومرقة ومعلقة كبيرة بابريكا
طبعا والرز البسمتي والزيت
نقلي البصل في شوية زيت
وبعدين نضيف الفلفل والبابريكا
ولما يوصلو للمرحلة دي نضيف المية والمرقة والملح
وطبعا يا حنون عيار الرز البسمتي
كوباية ونص مية على كل كوباية رز
لما تغلي المية
نضيف الرز ونهدي النار ونغطي ونسيبه يستوى
وجنببهم طبق سلطة مكون من
طماطم وخيار وخس وجزر وفلفل وبصل
والتتبيلة ملح وزيت زيتون وليمون
وده شكل الاكلة الاولى
وبالهنا والشفا
ثاني اكلة بالدجاج برضه
عبارة عن ارز بالخضار المشكل والدجاج
مع رز بسمتي مسلوق وزبادي
الخضار بالدجاج
المقادير
نص كيلو دجاج مقطع مكعبات
كيس بسلة وجزر ولو حبيتي تضيفي عليهم كيس فاصوليا خضرا
بطاطس مقطعة مكعبات
بصل مكعبات
بهارات( ملح وفلفل وكركم وبابريكا وتوم بودرة وجنزبيل بودرة )
زيت زيتون
الطريقة
في قلاية كبيرة حطي زيت زيتون وبصل مقطع وقطع الفراخ المقطعة لمكعبات وشوحيهم لحد الدجاج ماتنزل كل ميتها ولونها يتغير
بعدين ضيفي الخضار وشوحيه معاهم
بعدين ضيفي البهارات
شوحيهم شوية بالبهارت لحد الطعم كله ما يختلط ضيفي شوية مية صغيرين وغطيهم وسبيها لحد ما تستوي
الرز البسمتي المسلوق
هاتي حلة كبيرة وحطي فيها لتر مية وملح و2 كوب ارز بسمتي وسبيها تغليى لحد الرز ما يستوي
صفي الرز في مصفى زي المكرونة واغرفيه عادي في الاطباق ولو عايزة تحطي عليه حتة زبدة على الوش وهو سخن براحتك
وده شكل الاكل النهائي
وحلوة اوي للاولاد
وبالهنا والشفا
حاجات تنفع باالدجاج او اللحمة
الاكلة الثالثة
الفاهيتا
ممكن تعمليها بدجاج او لحمة بنفس الطريقة وتقدميها مع الرز بالفلفل او الرز المسلوق
هنا باللحمة
المقادير
نص كيلو دجاج او لحمة مقطعة شرائح رفيعة
فلفل الوان مقطع مكعبات
بصل
ليمون وفلفل اسود وملح لتتبيل اللحمة او الدجاج
بابريكا
ولو تبغى تزودي توم وجنزبيل بودرة اوكيه وبهار لحمة
2 حبة بطاطس مقطعة مكعبات
الطريقة
تبلي الدجاج او اللحمة بالبهارت والليمون
شوحيهم في شوية زيت
حطي مية وغطيها وسبيها تستوي
لما تقرب على السوا ولسة فيها مية حطي معاها البطاطس وزودي الملح والفلفل والبابريكا
لما تستوي حطي البصل والفلفل على الوش ومن غير تقليب وغطيهم كويس ووطي النار
لما يستوا الخضار قلبي واطفي النار واغرفي على طول
وبالهنا والشفا
كفتة بالبطاطس والنعناع
المقادير
بصل مبشور
بطاطس مبشور
نص كيلو لحمة او دجاج مفروم
نعناع ناشف كتير
ملح وفلفل اسود
انا هنا عملاها بالدجاج
الطريقة
اخلطي جميع المكونات
ولو لاقتيها طرية زودي عليها بقسماط مطحون
اعمليها صوابع ورشي عليه زيت ودخليها الفرن
او اعمليها دواير زي الفلافل واقليها في الزيت
بس معلش ملحقتش اصورها بعد ما خلصت
اكلوووووووووووووووووها كلها
اخر حاجة النهاردة
الروزبيف
هاتي عرق اللحمة مربوط جاهز من الجزار
واعملي فيه شقوق وحطي فيه فصوص توم وتبليه بالملح والفلفل الاسود
في الطاسة حطي سمنة وحمريه جامد على نار عالية من جميع الجوانب
ولما يتحمر بالشكل ده
لفيه في فويل ودخليه وحطيه في صينية ودخليه الفرن
بعد ساعة طلعية وسبيه يبرد وبعدين قطعيه ترانشات
انا هنا قطعته وهو سخن اللحمة فرولت مني
حلو في ساندوتشات العشا وتضيفي عليه ترانشات طماطم ومايونيز وخيار
اوممكن تعملي بيه البيتزا
انا بعمله ولحطه في التلاجه
وبالهنا والعافيه
م/ن
الكلمات الدلالية (Tags):
لا يوجد
-
اطباق سهله وسريعه التحضير
-
رد: اطباق سهله وسريعه التحضير
يوووه ليه الصور ماظهرت ياليت تحذفون الموضوع لانه بدون صور ماله لازمه
جميع ما يطرح في المنتدى لا يعبر بالضرورة عن رأي إدارة المنتدى