الصمت له عندي معزه ومقدار----

واعذار اخلقها ولو مالي اعذار....
....مشّيتها مره..ومرات ما رمت!!


كذبة صباح الخير/يا صبح الانوار....
....عذري ليا عدّت ليالي ولا نمت


اسهر طوال الليل وضْيوفي افكار....
....واقول لاْصحابي:نعم توّني قمت!!


ما عاد فيني ألفت عْيون واْنظار....
....يكفي بأني من زماني تعلّمت


ان الصدر بيت/ن..وسكّانه اسرار....
....نيّام..بس يصحون لامن تألّمت


يصحون ويناظرهم الجار والمار....
....وش عاد ينفع سترهم لو تكتّمت؟!!


آقدّم اقدامي على درب الاصرار....
....امشي ولكن للأسف ما تقدّمت


(الغار قدامي..ومن خلفي النار!!)....
....والعمر يمضي بي وانا ما تولّمت


يا لين ذاك الحلم في لحظه انهار....
....وانا مع لحظة سقوطه تحطّمت


اجروحي اكثار..وتناهيدي اكثار....
....لكن على كثر المواجع..تبسّمت!!


ثم أْلتزمت الصمت وعزومي اكبار....
....ولو يشتعل جوفي حشى ما تكلّمت


مما راق لي
تم تكبير حجم الخط
عذراً ام حفصة كان الخط صغير جدا.

بارك الله فيكم.

المشاركة الأصلية كتبت بواسطة ام حفصه

اجروحي اكثار..وتناهيدي اكثار....
....لكن على كثر المواجع..تبسّمت!!

ثم أْلتزمت الصمت وعزومي اكبار....
....ولو يشتعل جوفي حشى ما تكلّمت

بارك الله فيك

بارك الله فيك