السلام عليكم ورحمة الله وبركاته،،
احنا ديما بندور اننا نجتمع مع بعض على العبادات وده علشان نشجع بعض ويكون لنا الأجر والثواب وان شاء الله ربنا يجمعنا مع بعض على منابر من نور ويظلنا بظله يوم لا ظل إلا ظله
بس الجديد انه كل واحد لازم ياخد ثواب الناس كلها اللى بتعمل العباده ، لانه زى ما انتوا عارفين انا لو دعيت حد وقولتله مثلا صلى الضحى وهو مكنش بيصليها ، هو هياخد ثواب وانا كمان هاخد ثواب بكل صلاة بيصليها .
يعنى الحكاية باختصار ان كل واحد مننا لازم ياخدثواب المحموعة وانا هتكلم بشكل عملى علشان الفكرة توصل بشكل أوضح .
انا اول وحده قلت الفكرة وطبعا اول وحده مشتركة فيها ، هاخد رقم 1
واللى هييجى بعدى هياخد رقم 2 واللى بعده 3 وهكذا .
انا مثلا هقولكوا فى دورى اننا نتفق اننا نقول ذكر معين ، ورقم اتنين مثلا هيقول عايزين نصلى صلاة معينة ورقم 3 هيقول انهرده يا جماعه عايزين نطلع صدقة وهكذا .
افترضنا اننا مثلا 10 مشتركين ( ده على سبيل المثال يعنى لكن انا عايزه اننا نوصل ل 1000000 علشان الدور ميجيش عليه بسرعة ) ،المهم لما رقم 10 يجى عليه الدور هيقول مثلا على العبادة اللى هنجتمع عليها ، واليوم اللى بعدها هرجع انا تانى اقول اقتراح وتفضل الدايرة تلف ، يا رب تكونوا فاهمين حاجه من اللى قلتها وتكونوا متهتوش .
المطلوب دلوقتى انا كل واحد ييجىو يحب يشترك يبقى عارف الرقم بتاعه وحفظه علشان متحصلش لخبطة وانا ان شاء الله هساعدكوا وارتبم معاكوا ..............
ياللا بسرعة ابدؤا فى الاشتراك علشان نبدأ فى العبادات وكل واحد تحضرعلشان يلم فيه الحسنات اللى هتنزل عليه زى المطر .............. منتظراكوا
والسلام عليكم ورحمة الله وبركاته


على فكرة الموضوع ده ان اخذته من منتدى تاني