المشاركة الأصلية كتبت بواسطة ماء زمزم
ابدا كلامي بسم الله الرحمن الرحيم واثني بالصلاة على نبيه الكريم واثلث بالتحية العطرة
عليكم اجمعين واقول / السلام عليكم ورحمة الله وبركاته .. . وبعد
انا عندي لفتتين يعني لفته ولفته :
الاولى : وهي ياريت انا مانخرج عن الموضوع المطروح والا ماراح نستفيد شيء
الثانية : ارى كثرة الاقتباس من المواضيع والردود . وخلت الموضوع يصل الى سبع صفحات
في خلال فترة وجيزة خلصتم حبر المنتدى واوراقه :D
صراحة اعجبتني المكاشفه هذي وقستها على نفسي وراجعت ذكرياتي . فاستخرجت
فوائد . ومنها ان الرجل بيده زمام الامور وهو يقدر يخلي البيت تملأه السعادة او تملأه التعاسه
واحكي لكم تجربه لي . دخلت بيتي ذات مره وقلت ابي اختبر زوجتي طبعا هالكلام مع الزوجه
الاولى قبل لا اتزوج الثانية . فدخلت البيت وانا مبوز مسويي نفسي طفشان ما ابي احد يكلمني
وكلما كلمتني زوجتي صرخت في وجهها اتركيني لوحدي ما ابي احد يكلمني انا طفشان
, قالت
يووه انت تجينا من برى البيت طفشان وتقلب طفشك علينا
ad: ,
قلت لها اقول فارقيني شرك
تراني ماني فاضي لك
, ردت هي وش يعني منت فاضي لي انا جالسه من الصبح انتظرك تجي
ومجهزه لك الغدا وانت تقول ماني فاضي لك ,
رديت عليها ما ابي منك غدا الله لا يشتكر لكردت مغضبه اوف اوف كذا يعني طيب هذي جزاتي اللي اسوي لك الغدا وتروح وتكب الاكل للدجاج
:D .
طرت فيها وش فيك تكبين النعمه وش هالاسراف ولا علشان الفلوس مو من عندك
اتعب انا واشقى وانتي تسرفين في النعمه .
:23: , ردت ببرود انا ما اسرفت انا عطيت الدجاج
اكل وكسبت فيه اجر وانت تقول ماتبي غدا .
المهم ما اطول لكم في القصه تراها طويلة حتى كادت في النهاية ان تصل للمضاربه لولا لطف الله . وفي اخر النهار قلت لها ترى يابنت الناس كل هالموال تراه
اختبار لك وبشوف ردت فعلك قالت ليش شايفني في مدرسه علشان تختبرني حرام تسوي فيني كذا
قلت لها انا اثبت لك انك سريعة الحكم وانا تبين لي ان الرجل بيده مفتاح الخير والشر في بيته .
قالت طيب وانا راح ارد لك الصاع صاعين واختبرك .
فمن خلال هذه التجربة يا اخوان نخرج بفائدة وهي ان الرجل يملك زمام الامور حتى لو اخطأت المراءة
في حقه بس هذا الكلام مو على الاطلاق ,
فلنا من خديجة رضي الله عنها اسوة حسنه في تعاملها مع
نبينا محمد صلى الله عليه وسلم عندنا اتاها مفزوعا عندما راى جبريل فقال زملوني زملوني
فهدئت من روعه وقالت له هذي المراءة الحكيمة والله ان الله لن يخزيك ابدا فانت تقرئ الضيف وتغيث
الملهوف وتعين على نوائب الدهر, او كما قالت رضي الله عنها .
امر اخر اقول لكل رجل اجلس مع زوجتك واعقد معها اتفاق وقل لها يا ام فلان وش رايك نتفق على امر
الا وهو اذا كنت مغضبا فحاولي ان تهددئي من روعي واذا كنتي انت مغضبه فانا اهدئ من روعك
ونتعاون على ذلك وليذكر بعضنا الاخر بتقوى الله دائما . كما فعل ابو الدرداء مع زوجته رضي الله عنهما وارضاهما .
اخواني واخواتي الحياة الزوجية ليست مناطه على الرجل لوحده ولا على المراءة لوحدها وانما
هي مشاركة بينهما , ولن يتوقف الامر هنا حتى اذا كبر الابناء فهم يحملون ايضا عاتق هذه الحياة
ولابد ان يكون لهم دور في انعاش الحياة داخل الاسرة وداخل البيت .
حقيقة سعدت والله بهذا الموضوع وايضا بردود البعض من الاخوة والاخوات . واشكر الاخت صاحبة
الموضوع على طرحها لهذا الموضوع الرائع والجميل والمفيد . نسال الله ان يجزيها خير الجزاء
وان يجزي ايضا من شارك بهذا الموضوع ورد عليه . والشكر موصول الى الادارة بمنتدى الاحبة
ودمتم في حفظ الله ورعايته .... اخوكم كاتب الرد ابو الوليد ماء زمزم :11: