شوفوا وش صارلها بعد شهر العسل.....(الجزء الثالث)

[align=CENTER][table1="width:95%;background-image:url('http://www.m.v90v.com/data/media/34/wrtile11.jpg');"][cell="filter:;"][align=center]

السلام عليكم ورحمة الله وبركاته

كانت بقمة اناقتها وهي جالسه بمكانها...

بعشاء اهل رجلها....

(عامليهم برسميه وخليك ثقيله معهم)

كلام جواهر يرن براسها وهي تشوف

ام محمد(مرة اخوه)....

تضحك وتقهوي الضيوف......

وتروح المطبخ مع حمواتها....

بعد ما راحو الضيوف وراحت ام محمد بيتها
دخل رجلها عند اهله....وهي قامت بتسري بيتها
يالله تصبحون علي خير....
وهي طالعه....

الله الجريش يجنن....(زوجها)
جريش ام محمد ما عليه كلام(ردت امه)
الله يعطيها العافيه والله انها دايم ما تقصر(كلام الزوج)
ام محمد اختنا الرابعة الله يخليها عيالها
والله ان يدها بيدنا وحلا الفراوله منها بعد
(طبعا الخوات)....

دخلت شقتها وهي تغلي من القهر...
ايه تولته عجوز قريح وخواته هالعنس...
انا عارفه قصدهن....آآآآه يالقهر...
وهو عاجبه الوضع ولا ويساعدهن بالمدح

بدموع ساخنه فضفضة لامها....

(لان الوقت متأخر وما قدرت تكلم اختها جواهر)
يابنتي...عجزت وانا اقولك خفي نفسك مع حمولتك
وش مزعلك.....
من كلامك محد مدح شكلها
ولا مكياجها ولا لبسها...كل المدح كان بافعالها
وش يضرك وانا امك لو سويتي مثلها...
الله والشغل عاد بس اشياء بسيطه ولسان حلو.....
تحسس اهله انك بنتهم.....
يايمه انا عروس تو الناس....
يابنتي انتي لك ست شهور معرسه....
خلاص امداك خذيتي عليهم....
والله ما يفرحون فيها دام هذي طبايعهم
وهم اللي بدوا الحرب امه والعنس بناتها
يالله يمه صوته جاء بعد ما خذا علوم النشميه
تمسين علي خير....والله الله بالعقل وانا امك

الله وشهالزين وشهالزين...
اكيد كنتي احلي وحده
بنظرت استهزاء....تكلمني
اكيد اكلمك ليه فيه احد غيرنا
كنت احسبك تقصد ام محمد
باستغراب...ام محمد من...اي ام محمد
ايه اي ام محمد.... من ام محمد
جدتي الله يرحمها....
ام محمد اللي جريشها يجنن....
هذاك قلتيه جريشها....
واصلا ما كنت ادري من اللي زينه....
الجريش عذر يابابا تحسبني مغفله
وبعد نقاش عقيم...
مريضه الله يشفيك....واللي يناقش المريض يمرض
ودني لاهلي....
بهالليل يابنت الحلال تعوذي من ابليس
لا تكبرينها وهي صغيره
(خاف ايوالله لاخضعك....قام يترجاني)....
انت بليس بكبره...
انا بليس الله يسامحك...
(ههه النبره تغيرت ما يقدر يستغني عني)
المهم رضت بصعوبه....بعد تحايل وتدليع ومدح
(احد معاه هالقمر...ويطالع غيرة انتي الغاليه
انتي وانتي وانتي..انبري لسانه وهو يمدح ويراضي)
بعد ما رضت السندريلا....
اسمعي يالغاليه....
ام محمد جات وانا صغير....يعني هي بمثابت اختي الكبيره
ولو الحمو الموت....
صح معاك حق بس يعني انا تكلمت بحدود الادب
ما شفتي مني او منها شي يخليك تشكين
وبعدين حنا
قدامنا حياة طويله عمر ان شاءالله
واكيد لابد يجي طاري وحده من اقاربي لو بشكل عابر

يتبع...

[/align][/cell][/table1][/align]

[ALIGN=CENTER][TABLE1="width:95%;background-image:url('http://www.m.v90v.com/data/media/34/wrtile11.jpg');"][CELL="filter:;"][ALIGN=center]
بعد شهر....

سحبت جوالها بزعل من يده
وش تدور بجوالي...
سلامة عمرك ادور نفس اللي دورينه من جوالي
مسكت عمرها بالقوة...
(لان السالفة بتنقلب علي راسها)....
بس هذي خصوصيات حريم عيب تشوفها
واللي عندي خصوصيات رجال عيب تشوفينها
وش بيكون عندكم يعني سوالفكم معروفه....
نفس اللي عندكم وسوالفكن معروفه....
طيب وودني لاهلي....
ودني لاهلي ودني لاهلي تراني زهقت وللصبر حدود
شفيك انا بروح عشان العشاء الليله....
ليه نسيت...ابوي عزمك اكيد
من كثر ما تهدديني بروحتك لاهلك معاد صرت
اميز متي بتروحين زعل ومتي زياره....
وبعدين تو الناس حنا وين والعشاء وين....
لا ابي اروح من بدري اساعدهم واستقبل الضيوف
ايييييه يعني تعرفين هالشي....
وش قصدك...
سلامتك...بروح مشوار قريب وراجع....

دخل عليها الساعة سبع وهي واصل لدرجةالغليان
بابتسامه فيها شوي سخريه...
ها ياحياتي جاهزه....
طبعا ما ردت عليه لان القهر والغضب معميها
سمعت صوت دندته وهو تحت الدوش
كانه يتعمد يغيظها ويزيد قهرها ببروده....
ها ياحلو منت ناوي تبخرني....








من غير ما ينتظر ردها....
راح شب الفحم بنفسه وقعد يتبخر علي اقل من مهله
وكان يسوق بسرعة عاديه....











ويحترم كل الاشارات اللي يمر عليها
ويوقف وهي عادها صفره.....
وقفوا عند باب اهلها علي حزة العشاء بالضبط








ونص ساعة وهو داق عليها....
يالله مشينا....
آآآآآآه مشينا ليه متي جينا عشان نمشي
تراني ماسكه نفسي لاتخليني انفجر
خلاص عبيت بطنك ويالله....
اول شي قصري صوتك وتكلمي بادب تراني منيب اصغر
عيالك تكلميني كذا....
وثانيا خلاص وش اقعدله اديت الواجب وكثر الله خيري
وشتبيني اسوي اضف السفره والا اغسل الصحون
وبعدين ليه ياحبيتي تنفجرين ارفقي علي عمرك
مو كافي انك جاي متأخر اول ما غسلت يدك بتمشي
ما كنك نسيبهم حتي الاجناب جو قبلك وبيروحون بعدك
تعلم من رجل جواهر ما تقول الا ولدهم....
بنفس البرود.... عاد ما لقيتي الا هالضفعة تشبهيني فيه
الله يكرمني عنه وعن امثاله....
هذا ياعزيزتي مسير مو مخير....ما يقدر يتحرك الا بامر
رجله جواهر هههههه
طوطوطوطو....
تسكرين الخط بوجهي والله لاعلمك الادب....
وكملتها برسالة...(انا مابيك طلقني وبقعد عند اهلي)
حاولت تكمل السهرة وتضحك وتبين الوضع عادي
بس ماش...بدي صوت العقل يتكلم داخلها
وشسويتي... توك عروس....الكل بيسأل ...
غير اللي بيتشمت...ليه كبرتها يعني الحين انا ارتحت
بس بس خلاص المفروض ما افكر ولا احاتي
عندي يومين الوضع بيكون طبيعي...
خلني افك عمري من تحريض جواهر ولوم امي
يمكن تصلح الامور...وعلي العموم هو يحبني وما يقدر
يستغني عني...ها اكيد ما يقدر يستغني عني
غفت والجوال بيدها....كانت علي امل يرسلها
والفجر وهي قايمه...
طول اليوم ضايق صدرها
(ياربي شفيني معقول من اول يوم يصير هذا حالي
مهمومه والافكار ذابحتني....
يارب اغفرلي كنت اشور علي اي وحده تكتب مشكلة
انها تأدبه وتروح لاهلها...اثاري الموضوع صعب
والوحدة تقعد تلوم نفسها...شلون لو وحدة شارت عليها
اكيد بتدعي عليها)....
ثاني يوم خلاص اعصابها تعبت وقامت تبكي بحضن
امها وتقول تكفين لا تعلمين جواهر تراها بتزيد علي
يابنتي...الرجال مهوب سوي
جواهر تنصحك بالشي اللي يصلح مع رجلها
مشكلتكن تحسبن الرجال مالهم عقل
الرجال وانا امك يشوف وينتبه وبعظهم باله طويل
يداويك بسكات...مهوب شرط يهاوش بوقتها.. يحفظها
ويردها لك اضعاف بس بوقتها مثل ما سوي رجلك
صحيح ما عاتبك ولا هاوشك علي طريقتك مع اهله
بس شب فاللي جابوك يوم جاء العشاء عند اهلك
لايمه ما اضنه يفكر كذا...
لا يابنتي ضني ضني وفكري بكلامي وعيدي حساباتك
وبتلقيني صادقه....
طيب والحل الحين وشسوي....
لا تسوين شي اثقلي وبيحلها الله....
شلون اثقل وهو ما جاب اخبري ولا دري عني
هذا عيبك فيك عجله بالزعل وبالرضي
ياربي وش اسوي منتي حاسه فيني محد حاس
فيني...
ردت امها وهي رايحة تتوضي ليتك تتعضين
وتحلين امورك ببيتك ولا تكبرينها....بودني لاهلي
الاهل ما يدخلون الا بالكبير....
الوحدة من كثر ما تقول بروح لاهلي تقل قدرها
وقدر اهلها معها....
(معاد يصيرلهم هيبه)
مرت الاسابيع وهي بين خوف وقلق وندم....





(والكل عايش حياته....سنة الحياة)



مبروووووك مبروووووك....








هذا اللي بيصلح بينكم ان شاءالله بس لا تعودينها
ان شاءالله يمه تهقين يرضي....
كانت تطالع ببيتها كانها اول مرة تشوفه
هنت عليك تتركني كل هالمدة ما تسأل علي
(هههههاي مسكينه المرة تسوي عمرها
اسد واول ما تقطها عند اهلها وتتركها ما تسأل
عنها ترجعلك اول ما تأشرلها....حمل وديع
ادبتك وانا ولد ابوي)....
هذي افكاره وهو يبتسملها قبل يرد....
نورتي بيتك يام سالم...
سالم لا وش سالم موحلو هالاسم
هذا اسم جدة وماله من الاسامي الا هو
(اف يصير خير يصير خير...خلني استمتع
برجعتي لبيتي وبعدين اشوف شغلي معاك)...تكلم عمرها
ويستمر المسلسل....
دمتم فبيوتكم آمنات مستقرات....
الاستقرار شعور جميل.... مريح
تم بحمدالله.
[/ALIGN][/CELL][/TABLE1][/ALIGN]...

نعم مشاكل بيتك ما يحلها إلا أنت وزوجك فقط

بارك الله فيكم أختنا فلة المميزة ونفع بكم

ما شاء الله اخيتي فلة المميزة راائعة جدا

تعلمت منها الكثير بوركت اناملك يا غالية

تقييم + نجوم تستاهلينهم على موضوعك المميز

بارك الله فيكِ أخيتي فلة

موضوع يستحق التقييم

وفعلا على الزوجين يبقون مشاكلهم داخل منزلهم

ويحاولون أن يحلوها سوياً دون تدخل أحد

بارك الله فيكم على المرور