سامح اللهـ قلب

سامح اللهـ قلب أبوي يوم بالدمعة عسرني
يحسب الدنيا سهالهـ ما درى انها مصائب

شال همهـ وسط صدرهـ لجل ما اكبر بهمي
والتحف بجراح همهـ خاف تصلني هبايب

قال لي بعطيكـ كلمهـ يا بعد روحي وسمي
احفظيها في كتابكـ قبل تطويني النوائب
كان تبغيني سعيد وهم قلبي يستكني

دمعهـ عيونكـ عزيزهـ لا تصافحها هبايب

غاب ابوي وصرت كني اختنق ببحور دمي

احفظ وصاتهـ ولا ابكي والا دمعاتي بسايب

وش تفيد ادموع عيني لا بكى قلبي بدمي
وش تفيد ادموع عيني بعد ما غاب الحبايب
وش تفيد ادموع عيني وبالحشى جرح يوني
وش تفيد ادموع عيني بعدما حطوا النصايب

اختلط دمعي بدمي واستمى موتي بحزني


وانفجر بركان ثائر في الحشى ينشر لهايب
وانزلت دمعات عيني مجتهى بأطراف كمي

بحفظ وصاتكـ بصدري ولو غدى عمري خرائب
دامها من قلب ابوي واصلها من ريح جدي

واللهـ ما انسى وصاتكـ دام ضلي بالترايب
بكتم العبرهـ ببسمهـ وبذكر اللهـ ثم صلي
ولا سجدت ثم غاب وجهي امطرت مثل السحايب

وسامح اللهـ قلب أبوي يوم بالدمعة عسرني

يحسب الدنيا سهالهـ ما درى انها مصائب
يحسب الدنيا سهالهـ ما درى انها مصائب

الله يرحم والدك و يغفرله و يحفظ لك والدتك