الدمعة اليتيمة
23 Dec 2011, 03:14 AM
OOO==OOO
قصيدة نبطية تصف جزء من الواقع لا مجمله
و الأمة ما زالت بخير
نسأل الله أن يصلح الحال
OOO==OOO
يالله وانا طالبك تغفـر لـي ذنوبـي يـا غفـور
ارجيك والجا لك وانـا سالـك واعيـد المسألـه
لوما تطهرنـي بعفـوك مـا تطهرنـي البحـور
OOO==OOO
جيتـك وذنبـي قـد تعـلاّ غاربـي يـا مثقلـه
أنا من الطين انخلقت , أخطي ولانيـب معـذور
قامت علـي الحجّـه بدعـوة رسلـك المرسلـه
OOO==OOO
لكن خُدعت بزخـرف الدنيـا وزادتنـي غـرور
أبدت مفاتنهـا و ورتنـي مـن العمـر اجملـه
طبعاً بما إني بنـي آدم حصـل منّـي قصـور
OOO==OOO
واذنبت يـا مـولاي ذنـبٍ بالخفـا مـا تجهلـه
أسألك تغفر لي و تستـر موقفـي يـوم النشـور
اليا القفـت خلقـك صحايفهـا وهـي مستذهلـه
OOO==OOO
من يستلمها بالشمال افلـس وهـو يدعـو ثبـور
ومـن يستلمهـا باليميـن افلـح لخيـر المنزلـه
OOO==OOO
واسألك يا ربـي تعاونّـي علـى نيـل الأجـور
أحيا حيـاةٍ مكسبـي فيهـا مـن البـر افضلـه
واسألك جاهٍ مع هـل الدنيـا وحـظٍ مـا يبـور
OOO==OOO
أيضاً وعرفٍ مـع هـل الحكمـه ورزقٍ تكفلـه
من لا تهيّـا لـه مقـامٍ مـع طويليـن الشبـور
يبكي على ما ضاع من عمـره وخيبـات عملـه
OOO==OOO
وان شاب راسه لا ترجّى فيـه تجبيـر الكسـور
لا خير فـي تالـي زمـانٍ مـا تغانمـت اوّلـه
وما نيب ناسي قصةٍ صـارت وانـا ازورالقبـور
OOO==OOO
لازلـت افكـر فـي غرابتهـا وبالـي تشغلـه
ساعة ظهر لي شايبٍ له حول قرنيـن محجـور
في جوف قبرٍ عن هـل الدنيـا طـواه ويعزلـه
OOO==OOO
سلّم وجا صوبي يقول : ابنشـدك يللـي تـزور
عن حالة الدنيا وعن وضع الزمـان وعـن هلـه
أنا مضى وقتي ومرّت بـي طويـلات الدهـور
والباقـي بعمـري بعيشـه بينكـم واستكمـلـه
OOO==OOO
قلت : الزمان اللي يبارينا علـى خبـرك يـدور
الوقت نفسـه مـا تغيّـر ماشـيٍ فـي جدولـه
أما البشر , , , لا والله الاّ غير من حـد الجـذور
صار انتقـالٍ مـن يميـن الـى يسـار المنقلـه
OOO==OOO
استغرب الشايب من اللـي قلـت وبليّـا شعـور
حط اليمين اعلى الشمـال وخاطـره فيـه اسئلـه
قال : افتني عن حالة الشيبـان والشيـخ الوقـور
أهل الخبر والراي والحكمـه وضـرب الأمثلـه
القدوه اصحاب الأمور اللي تطـاع بكـل شـور
اللـي يفضّـون النـزاع ويحكمـون المشكـلـه
OOO==OOO
قلت : البعض منهم على ما قلت في وصفك وقور
قدوه ولكـن رايهـم مـا ينفـرض فـي مسألـه
الطاعه العميـا بقـا منهـا مجاملـة الحضـور
اللـي تلاقيهـا مـع اوّل فـرصـةٍ متنصّـلـه
والبعض لا عبـدٍ يخـاف الله ولا عبـدٍ شكـور
لا زهّـده شيبـه مـن الدنيـا ولا هـو جمّـلـه
بهيمةٍ يرجـع علـى منحـاه الاوّل ومحصـور
فـي لعـب بيلوتـه وريـح زقارتـه ومعسّلـه
والبعض الآخر شابت رموشه على درب الفجـور
أشيمطٍ زانـي قضـا عمـره بحانـات الخمـور
والعايلـه ورعٍ يغـرّر بـه وبـنـت مهمّـلـه
OOO==OOO
قال : افتني عن حالة الخفرات ربّـات الخـدور
اللـي تصـان ببيـت عايلهـا و بابـه تقفـلـه
شيهانةٍ تشمخ عفاف وتصقـل فـروخ الصقـور
بين الفريـق ببشتهـا الضافـي وتـوبٍ تسبلـه
OOO==OOO
قلت : العـذارى فـي زمنّـا ببغـاوات الطيـور
تقليد هرج و عـرض ريـشٍ خلفهـا تستخملـه
تلبس عباةٍ ضيّقت حـول الردايـف والخصـور
فضيحةٍ تكشـف جسدهـا مـن علـوّه لاسفلـه
وموضة شيالٍ تكشف الوجنات والـوان الشعـور
والمحـرم تبـدّل بـجـوالٍ بيـدهـا تحمـلـه
لا فوّحت صفر الدلال ولا عرفت غـش القـدور
تطبـخ لـهـا خـدّامـةٍ بالعايـلـه متوكـلـه
الأم ما صانت عفاف البنت من عمـر الزهـور
والأب ديّـوثٍ تحكـمـه حـرمـةٍ مسترجـلـه
وشلـون يتربّـى عيـال ام التبـرّج والسـفـور
الاّ خنـازيـرٍ دمـاهـا بـــارده ومغـفّـلـه
OOO==OOO
قال : افتني بحال الشباب الصلب صيّاد النمـور
الفـارس اللـي ينطـح خصومـه بزنـدٍ يفتلـه
الوافي الشهم الغيور اللي لعـرض الجـار سـور
البار عنـد امّـه وابـوه وعلـم ربعـه يشغلـه
OOO==OOO
قلت : الشباب بوقتنا وجهه مثـل بـدر البـدور
والجسم من زود الرخا ما تنفتـل فيـه عضلـه
قصّـة شعـورٍ صيّرتهـم لا إنـاث ولا ذكـور
والثـوب راح ولا بقـى الاّ عـالـمٍ متبنطـلـه
ناسٍ ( فلنتينو ) وناسٍ تلبـس ( كرستانديـور )
صـار التنافـس بينهـم فـي لبسهـم والجنتلـه
من كان يشرب من قرار البير مشروبه ( بيور )
والبل راعيها غـدا يشـرب حليـب ( النستلـه )
مامنهم اللي قام دون اعـراض جيرانـه غيـور
من قام قالو , , وشملقّـف حضرتـه ؟ وشدخّلـه
والوالدين حقوقهم ضاعـت وعنهـم فـي نفـور
ان غـاب عنهـم لا تذكرهـم ولا جـاه الولـه
بدّا عليهم شلّـةٍ تهـوى الوطـا بيـن الجحـور
لو تعزله عنهـم تبـي لـه شـان كنّـك تقتلـه
ما راح يوم يشارك ربوعه بحـزن ولا سـرور
حتى ابن عمّه يعرفـه بالوجـه واسمـه يجهلـه
بدّل حكاه وضيّـع سلومـه وحالـه فـي دبـور
وان شاف ضيف يخش حتى انّه يفـارق منزلـه
OOO==OOO
ناظر لي الشايب بعيـنٍ تجمـع السبـع البحـور
يقول : انا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور
ما يقعد الجمّال به ساعـه ولـو ضـاع جملـه
OOO==OOO
نفع الله بكاتب القصيدة
OOO==OOO
قصيدة نبطية تصف جزء من الواقع لا مجمله
و الأمة ما زالت بخير
نسأل الله أن يصلح الحال
OOO==OOO
يالله وانا طالبك تغفـر لـي ذنوبـي يـا غفـور
ارجيك والجا لك وانـا سالـك واعيـد المسألـه
لوما تطهرنـي بعفـوك مـا تطهرنـي البحـور
OOO==OOO
جيتـك وذنبـي قـد تعـلاّ غاربـي يـا مثقلـه
أنا من الطين انخلقت , أخطي ولانيـب معـذور
قامت علـي الحجّـه بدعـوة رسلـك المرسلـه
OOO==OOO
لكن خُدعت بزخـرف الدنيـا وزادتنـي غـرور
أبدت مفاتنهـا و ورتنـي مـن العمـر اجملـه
طبعاً بما إني بنـي آدم حصـل منّـي قصـور
OOO==OOO
واذنبت يـا مـولاي ذنـبٍ بالخفـا مـا تجهلـه
أسألك تغفر لي و تستـر موقفـي يـوم النشـور
اليا القفـت خلقـك صحايفهـا وهـي مستذهلـه
OOO==OOO
من يستلمها بالشمال افلـس وهـو يدعـو ثبـور
ومـن يستلمهـا باليميـن افلـح لخيـر المنزلـه
OOO==OOO
واسألك يا ربـي تعاونّـي علـى نيـل الأجـور
أحيا حيـاةٍ مكسبـي فيهـا مـن البـر افضلـه
واسألك جاهٍ مع هـل الدنيـا وحـظٍ مـا يبـور
OOO==OOO
أيضاً وعرفٍ مـع هـل الحكمـه ورزقٍ تكفلـه
من لا تهيّـا لـه مقـامٍ مـع طويليـن الشبـور
يبكي على ما ضاع من عمـره وخيبـات عملـه
OOO==OOO
وان شاب راسه لا ترجّى فيـه تجبيـر الكسـور
لا خير فـي تالـي زمـانٍ مـا تغانمـت اوّلـه
وما نيب ناسي قصةٍ صـارت وانـا ازورالقبـور
OOO==OOO
لازلـت افكـر فـي غرابتهـا وبالـي تشغلـه
ساعة ظهر لي شايبٍ له حول قرنيـن محجـور
في جوف قبرٍ عن هـل الدنيـا طـواه ويعزلـه
OOO==OOO
سلّم وجا صوبي يقول : ابنشـدك يللـي تـزور
عن حالة الدنيا وعن وضع الزمـان وعـن هلـه
أنا مضى وقتي ومرّت بـي طويـلات الدهـور
والباقـي بعمـري بعيشـه بينكـم واستكمـلـه
OOO==OOO
قلت : الزمان اللي يبارينا علـى خبـرك يـدور
الوقت نفسـه مـا تغيّـر ماشـيٍ فـي جدولـه
أما البشر , , , لا والله الاّ غير من حـد الجـذور
صار انتقـالٍ مـن يميـن الـى يسـار المنقلـه
OOO==OOO
استغرب الشايب من اللـي قلـت وبليّـا شعـور
حط اليمين اعلى الشمـال وخاطـره فيـه اسئلـه
قال : افتني عن حالة الشيبـان والشيـخ الوقـور
أهل الخبر والراي والحكمـه وضـرب الأمثلـه
القدوه اصحاب الأمور اللي تطـاع بكـل شـور
اللـي يفضّـون النـزاع ويحكمـون المشكـلـه
OOO==OOO
قلت : البعض منهم على ما قلت في وصفك وقور
قدوه ولكـن رايهـم مـا ينفـرض فـي مسألـه
الطاعه العميـا بقـا منهـا مجاملـة الحضـور
اللـي تلاقيهـا مـع اوّل فـرصـةٍ متنصّـلـه
والبعض لا عبـدٍ يخـاف الله ولا عبـدٍ شكـور
لا زهّـده شيبـه مـن الدنيـا ولا هـو جمّـلـه
بهيمةٍ يرجـع علـى منحـاه الاوّل ومحصـور
فـي لعـب بيلوتـه وريـح زقارتـه ومعسّلـه
والبعض الآخر شابت رموشه على درب الفجـور
أشيمطٍ زانـي قضـا عمـره بحانـات الخمـور
والعايلـه ورعٍ يغـرّر بـه وبـنـت مهمّـلـه
OOO==OOO
قال : افتني عن حالة الخفرات ربّـات الخـدور
اللـي تصـان ببيـت عايلهـا و بابـه تقفـلـه
شيهانةٍ تشمخ عفاف وتصقـل فـروخ الصقـور
بين الفريـق ببشتهـا الضافـي وتـوبٍ تسبلـه
OOO==OOO
قلت : العـذارى فـي زمنّـا ببغـاوات الطيـور
تقليد هرج و عـرض ريـشٍ خلفهـا تستخملـه
تلبس عباةٍ ضيّقت حـول الردايـف والخصـور
فضيحةٍ تكشـف جسدهـا مـن علـوّه لاسفلـه
وموضة شيالٍ تكشف الوجنات والـوان الشعـور
والمحـرم تبـدّل بـجـوالٍ بيـدهـا تحمـلـه
لا فوّحت صفر الدلال ولا عرفت غـش القـدور
تطبـخ لـهـا خـدّامـةٍ بالعايـلـه متوكـلـه
الأم ما صانت عفاف البنت من عمـر الزهـور
والأب ديّـوثٍ تحكـمـه حـرمـةٍ مسترجـلـه
وشلـون يتربّـى عيـال ام التبـرّج والسـفـور
الاّ خنـازيـرٍ دمـاهـا بـــارده ومغـفّـلـه
OOO==OOO
قال : افتني بحال الشباب الصلب صيّاد النمـور
الفـارس اللـي ينطـح خصومـه بزنـدٍ يفتلـه
الوافي الشهم الغيور اللي لعـرض الجـار سـور
البار عنـد امّـه وابـوه وعلـم ربعـه يشغلـه
OOO==OOO
قلت : الشباب بوقتنا وجهه مثـل بـدر البـدور
والجسم من زود الرخا ما تنفتـل فيـه عضلـه
قصّـة شعـورٍ صيّرتهـم لا إنـاث ولا ذكـور
والثـوب راح ولا بقـى الاّ عـالـمٍ متبنطـلـه
ناسٍ ( فلنتينو ) وناسٍ تلبـس ( كرستانديـور )
صـار التنافـس بينهـم فـي لبسهـم والجنتلـه
من كان يشرب من قرار البير مشروبه ( بيور )
والبل راعيها غـدا يشـرب حليـب ( النستلـه )
مامنهم اللي قام دون اعـراض جيرانـه غيـور
من قام قالو , , وشملقّـف حضرتـه ؟ وشدخّلـه
والوالدين حقوقهم ضاعـت وعنهـم فـي نفـور
ان غـاب عنهـم لا تذكرهـم ولا جـاه الولـه
بدّا عليهم شلّـةٍ تهـوى الوطـا بيـن الجحـور
لو تعزله عنهـم تبـي لـه شـان كنّـك تقتلـه
ما راح يوم يشارك ربوعه بحـزن ولا سـرور
حتى ابن عمّه يعرفـه بالوجـه واسمـه يجهلـه
بدّل حكاه وضيّـع سلومـه وحالـه فـي دبـور
وان شاف ضيف يخش حتى انّه يفـارق منزلـه
OOO==OOO
ناظر لي الشايب بعيـنٍ تجمـع السبـع البحـور
يقول : انا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور
ما يقعد الجمّال به ساعـه ولـو ضـاع جملـه
OOO==OOO
نفع الله بكاتب القصيدة
OOO==OOO