نبراس الدعوه
26 Mar 2011, 04:59 AM
هذه قصه جدا مؤلمه ومؤثره لفتاه وقد قمت بنقلها لكم للعبره فقط اتركم من صاحبة القصه.....
السلام عليكم والرحمه
كيفكم ؟
اليوم قررت اكتب لكم شي انا عمري مااتكلم عنو في حياتي .. يمكن لو شلتو عن صدري ارتاح .. قصة حياتي عنوانها صراخ وخيانه ووحده .. بس انا مؤمنه ان ربي كاتب لي السعاده قريب
مااتذكر اول مره سمعتهم يصرخوا فيها .. ماافتكر ان مر يوم كنا فيه عيلة سعيده وانو خرجنا انبسطنا ورجعنا مبسوطين
اصواتهم في راسي لدرجه ان لما كان حد فيه يصرخ في التلفون او على واحد من اخواني كنت اجري لغرفتي واقفل الباب عشان
مااشوفهم .. صوته يقول انتي انانيه ماهمك غير نفسك .. انا اقطع ملابسي عشان ارضيك .. انتي ماتحترمي اهلي ولا امي .. هذا مو بيت هذا غابه صوتها يقول انا ضيعت شبابي معاك .. مكوم الفلوس على قلبك لا سفر ولا بسطه .. ليش خواتك يتكلمو علي .. ليش ماسلمت على ابوي .. ليش تحسب نفسك جايبني شغاله .. كل يوم مشاكل وصراخ .. لدرجه لما كان حد منهم يصحيني من النوم احط يديني على اذني ..
11 سنه من عمري على هذا الحال .. لو مر يوم بسلام مايمر الي بعدو .. انا بيان اخر العنقود .. قبلي احمد اكبر مني سنتين .. و وليد اكبر مني 4 سنوات .. و محمد اكبر منو ب 8 سنوات .. وام واب نسو ان في ارواح غيرهم في البيت ونسو اننا كبرنا ونسمع ونشوف ونقارن ونتالم ..
السبعه السنوات الاولى من حياتي ماافتكر منها اشياء كثير .. افتكر الروضه والمدرسه بس بيتنا ماافتكر منو شي .. كاني ماكنت ساكنه فييه قبلها ..
ذاكراتي تبدا لما كان عمري 7 سنوات .. امي تموت في شي اسمو خرجات وسهرات وفله وسوق .. وعشان تسكت ابوي تاخذني معاها وتسيب الاولاد في البيت .. كل الي اتذكره ان كل مره اخرج مع امي نروح السوق نفسو .. نلف شوي تشتري لي حلاوه او ايسكريم وتشتري شي بعدين ندخل محل ذهب .. كل مره ندخل هذا المحل .. محل كبير وفي رجال هي تجلس تتكلم معاه طول الوقت .. صوتهم واطي ماكنت اقدر اسمعو .. وكان دايما يفرجها على الذهب بنفسو ويلبسها الخواتم ويقفل لها الاسوره بنفسو .. ويضحكو ويمزحو .. وانا كنت احسب ان الرجال هذا قريبنا .. وقتها ماكنت اميز كثير .. بس ماكنت ارتاح في المحل وكنت كل شوي اقولها يالله نروح .. متى حنمشي .. وكان الرجال يرد عليا شويه يابابا .. او هي تقول لي اسكتي .. واسكت واجلس على كرسي في نص المحل واتفرج على الناس الرايحه والجايه ..
وجات فترة ماكنا نروح المحل .. بس كنا نروح مكان تاني ماافتكرو ماافتكر منو أي شي بس افتكر مكتب كبير ورجال وامي كانت تجلس على المكتب قدام وجهو .. وانا اجلس على الكرسي الي قدام المكتب وهو يجلسو يتكلمو .. وكانت امي لما ندخل تفصخ العبايه
وفي مره ماانساها .. طول عمري ماحنساها .. امي سئلت الرجال فين الحمام واشر لها وراحت .. وراح هو وراها .. وبقيت انا في المكتب ..طولو .. وخفت وصرت ابكي .. وابكي .. وابكي .. وهم ماخرجو ورحت عند الباب حق المكتب وخرجت برا وصرت ابكي واناديها .. وكان في هندي جاء يكلمني ويقول لي فين بتروحي اش تبغي؟ وانا ابكي من قلبي .. ووقفت مع الهندي وهو يتصل تلفون ..
وقتها امي جات .. ومسكتني من يدي .. تقول لي انتي غبيه؟ انتي غبيه باعلى صوتها .. وضربتني على وجهي .. ماانسى هذا الكف ومانسى هذا اليوم
وحنا راجعين امي وقفت عند مطعم احبو ونزلتي واكلتي وخلتني العب في الالعاب وقالتي لاتقولي لبابا بعدين يزعل مني ويصرخ تقول انا كنت في الحمام ولما خرجت ومالقيتك خفت عليك احسب حد خطفك وحضنتني وباستني .. يمكن اول مره تحضني .. وصدقتها
يتبع
السلام عليكم والرحمه
كيفكم ؟
اليوم قررت اكتب لكم شي انا عمري مااتكلم عنو في حياتي .. يمكن لو شلتو عن صدري ارتاح .. قصة حياتي عنوانها صراخ وخيانه ووحده .. بس انا مؤمنه ان ربي كاتب لي السعاده قريب
مااتذكر اول مره سمعتهم يصرخوا فيها .. ماافتكر ان مر يوم كنا فيه عيلة سعيده وانو خرجنا انبسطنا ورجعنا مبسوطين
اصواتهم في راسي لدرجه ان لما كان حد فيه يصرخ في التلفون او على واحد من اخواني كنت اجري لغرفتي واقفل الباب عشان
مااشوفهم .. صوته يقول انتي انانيه ماهمك غير نفسك .. انا اقطع ملابسي عشان ارضيك .. انتي ماتحترمي اهلي ولا امي .. هذا مو بيت هذا غابه صوتها يقول انا ضيعت شبابي معاك .. مكوم الفلوس على قلبك لا سفر ولا بسطه .. ليش خواتك يتكلمو علي .. ليش ماسلمت على ابوي .. ليش تحسب نفسك جايبني شغاله .. كل يوم مشاكل وصراخ .. لدرجه لما كان حد منهم يصحيني من النوم احط يديني على اذني ..
11 سنه من عمري على هذا الحال .. لو مر يوم بسلام مايمر الي بعدو .. انا بيان اخر العنقود .. قبلي احمد اكبر مني سنتين .. و وليد اكبر مني 4 سنوات .. و محمد اكبر منو ب 8 سنوات .. وام واب نسو ان في ارواح غيرهم في البيت ونسو اننا كبرنا ونسمع ونشوف ونقارن ونتالم ..
السبعه السنوات الاولى من حياتي ماافتكر منها اشياء كثير .. افتكر الروضه والمدرسه بس بيتنا ماافتكر منو شي .. كاني ماكنت ساكنه فييه قبلها ..
ذاكراتي تبدا لما كان عمري 7 سنوات .. امي تموت في شي اسمو خرجات وسهرات وفله وسوق .. وعشان تسكت ابوي تاخذني معاها وتسيب الاولاد في البيت .. كل الي اتذكره ان كل مره اخرج مع امي نروح السوق نفسو .. نلف شوي تشتري لي حلاوه او ايسكريم وتشتري شي بعدين ندخل محل ذهب .. كل مره ندخل هذا المحل .. محل كبير وفي رجال هي تجلس تتكلم معاه طول الوقت .. صوتهم واطي ماكنت اقدر اسمعو .. وكان دايما يفرجها على الذهب بنفسو ويلبسها الخواتم ويقفل لها الاسوره بنفسو .. ويضحكو ويمزحو .. وانا كنت احسب ان الرجال هذا قريبنا .. وقتها ماكنت اميز كثير .. بس ماكنت ارتاح في المحل وكنت كل شوي اقولها يالله نروح .. متى حنمشي .. وكان الرجال يرد عليا شويه يابابا .. او هي تقول لي اسكتي .. واسكت واجلس على كرسي في نص المحل واتفرج على الناس الرايحه والجايه ..
وجات فترة ماكنا نروح المحل .. بس كنا نروح مكان تاني ماافتكرو ماافتكر منو أي شي بس افتكر مكتب كبير ورجال وامي كانت تجلس على المكتب قدام وجهو .. وانا اجلس على الكرسي الي قدام المكتب وهو يجلسو يتكلمو .. وكانت امي لما ندخل تفصخ العبايه
وفي مره ماانساها .. طول عمري ماحنساها .. امي سئلت الرجال فين الحمام واشر لها وراحت .. وراح هو وراها .. وبقيت انا في المكتب ..طولو .. وخفت وصرت ابكي .. وابكي .. وابكي .. وهم ماخرجو ورحت عند الباب حق المكتب وخرجت برا وصرت ابكي واناديها .. وكان في هندي جاء يكلمني ويقول لي فين بتروحي اش تبغي؟ وانا ابكي من قلبي .. ووقفت مع الهندي وهو يتصل تلفون ..
وقتها امي جات .. ومسكتني من يدي .. تقول لي انتي غبيه؟ انتي غبيه باعلى صوتها .. وضربتني على وجهي .. ماانسى هذا الكف ومانسى هذا اليوم
وحنا راجعين امي وقفت عند مطعم احبو ونزلتي واكلتي وخلتني العب في الالعاب وقالتي لاتقولي لبابا بعدين يزعل مني ويصرخ تقول انا كنت في الحمام ولما خرجت ومالقيتك خفت عليك احسب حد خطفك وحضنتني وباستني .. يمكن اول مره تحضني .. وصدقتها
يتبع