هذا ديني
08 Jul 2008, 05:29 AM
اخواني في الله.....الكل ولا شك سمع عن المطرب الاماراتي محمد المازم وتوبته بالبوم رائع (البدايه)
ويارب فعلا يكون ال(بدايه)
الله أعلم بنية كل انسان ولكن من واجبك كمسلم أن تتضامن مع اخر مسلم قد تكون من احد اسباب تثبيته علي قراره باعتزال الغناء التافة
ولو أحد عايز يشاهد الفيديو اللي أعلن فيه توبته واعتذر للجمهور عن كل ما قدمه من أعمال غير هادفة هتلاقوه في مخالف (http://www.youtube.com) للقوانين تم تحرير الرابط
اعذروني اخواني ان كنت ضيعت وقتكم في شئ ممكن يكون مش مهم لبعضنا لكن عن تجربة_الانسان لما بيتغير بيحتاج حد جنبه يشد أزره ويعينه لأنه في البداية بيتحط في اختبارات كتيرة لتوبته
أنا مش هاطلب منك أكتر من انك أول ما تقرأ المقال تدعي للأنسان ده بالثبات لأن ياما مطربين كان عندهم نية التوبة لكن لما بيحس ان فيه حاجات كتير هتضيع منه خصوصا اذا كان مفتقد للتأييد من اللي حواليه بيرجع في لحظة عن كل اللي هيعمله .....
عارفة طبعا ان الانسان لازم يحتمل للنهاية أي عقبات في طريق توبته علشان يبقي صادق في نيته مع نفسه لكن ما تنسوش اخواني ان ربنا بيسبب الأسباب ........كل كام يوم نسمع ان المطرب فلان نزل أغنية دينية ومش هيغني كلام فاضي تاني وفي الأخر ما بيينفذش أي حاجة من اللي قالها.....لانه وببساطه نيته مش صادقة والناس المحيطه بيه هي هي .....
أنا تقريبا قعدت خمس سنين كل يوم فيها أنوي أبطل سماع الأغاني .... ولما بطلتها عرفت أنا ثبت ليه المره ديه رغم أن الظروف هي هي ما اتغيرتش....
ساعتها بس لقيت اصحاب ليا _كنت اتعرفت عليهم في الوقت ده_ قالولي أنهم كانوا بيدعو لي كل يوم ان ربنا يثبتني....
عرفت ساعتها قيمه الدعاء والصحبه الصالحة في طريق توبة أي انسان....
ونظرا لأن الصحبة الصالحة ممكن تكون غايبة مع الانسان الي بأحكي لكم عنه (مثلا منتج عايز يكسب أو ايرادات قليلة أو غيرها كتير)فأبسط حاجة نعملها اننا ندعي له....أوحتي اللي يقدر يشتري الشريط ده يشتريه....
وعايزين سبب صريح لكتابتي للموضوع ده أنا ممكن اقولكم....
أنا حقيقي بعد ما بطلت أسمع الأغاني وابتديت أسمع الاناشيد حسيت أن بعض المطربين صوتهم هيبقي جميل جدا في الانشاد .... يمكن أكتر من التافهات اللي بتتغني اليومين دول.
زمان الواحد كان يسمع الأغنية من هنا ويتأثر بيها ويعيط مثلا ولا يقوم يجري علي المحلات يشتري الشريط وصورةالمطرب فلان يعلقها علي الحائط من كتر اعجابه بيه....
تخيل ان نفس الصوت اللي كان بيعجبك ده بتسمعه في حاجة هادفة .... نشيد كلماته كلمات حق وخير وطاعة ومدح للرسول الكريم ... حاولو يا جماعة تسمعوا الشريط ده ..... ده نفس الصوت اللي كان بيعجبك لما كان بيوصف في الباطل........
فيه طبعا مليون منشد ديني أخدوا طريقم من البداية في الانشاد ..... لكن طبعا اللي بيشدك اكتر صوت المنشد وطريقه القاءه وتأثره بالكلمات....خصوصا لوحد لسه مش قادر يبطل سماع الأغاني.....
طولت عليكم بس الكلام اللي عرضته ده مش علشان واحد مطرب هيتوب لكن علشان كل مسلم عايش بعيد عن اخوانه المسلمين (هنا او في أي بلد مسلم شقيق ) ....... اخي في الله-حاول تنصر دينك بكل طاقتك وأبسطها دعاءك ... حاول تخلي همك في الدنيا انك تكون سبب في هدايه الناس... مش لازم بالضرورة يبقي قريب منك أو أخوك مثلا ... مش لازم ياسيدي برضه يكون مطرب عايز يتوب!!!! ........
جرب بس تمد ايدك للناس.... وربنا يعينك
أنا اسفة لوكان فيه حد منكم حاسس اني اديت الموضوع أكبر من حجمه.... أنا بقيت غيرانة جدا علي ديني وعلي كل مسلم عايش فاكر انه صح لان ما فيش حد بيقوله انت غلط..
بس أصلنا متحاسبين يوم القيامة عليهم .....ومش هأبالغ يا جماعة لو قلت اني في نفس الوقت اللي فكرت فيه بالمطرب ده فكرت في الناس اللي عايزين يتغيروا ومش مش لاقيين حد يعينهم وحسيت بذنب فظيع اني ممكن أكون مسئولة عن فلان وعن فلانة من الناس اللي كنا عارفين انهم عايزين تأييد مننا واحنا اتخلينا عنهم لأي سبب مهما كان..... بس لما فكرت في الكلام ده خفت أكتر علي المسلمين من الحساب اللي هنتحاسبه علي غيرنا من غيرالمسلمين اللي ما بتوصللهمش دعوة للاسلام وما يعرفوش عننا وعن ديننا اي حاجة....
الحمد لله ان أنا وأنت وغيرنا مسلمين..... كان ممكن نكون مكانهم دلوقت .....في الباطل...
عل الاقل عايزين قلوبنا تبقي علي بعض.... خليك غيور علي أخوك المسلم من المعاصي واعمل المستحيل علشان ترجعه عنها...يمكن ديه تبقي الحاجة الأخيرة اللي فاضلة بينا واللي ممكن تفدي نفسك بيها من النار مع كل انسان بتساعده ولو حتي من بعيد....
عايزين فعلا نبقي مسلمين بجد مش بالوراثة.....
(الأناشيد هتلاقوها فيwww.mouslimtube.com (http://www.mouslimtube.com))
والسلام عليكم ورحمه الله وبركاته.....
ويارب فعلا يكون ال(بدايه)
الله أعلم بنية كل انسان ولكن من واجبك كمسلم أن تتضامن مع اخر مسلم قد تكون من احد اسباب تثبيته علي قراره باعتزال الغناء التافة
ولو أحد عايز يشاهد الفيديو اللي أعلن فيه توبته واعتذر للجمهور عن كل ما قدمه من أعمال غير هادفة هتلاقوه في مخالف (http://www.youtube.com) للقوانين تم تحرير الرابط
اعذروني اخواني ان كنت ضيعت وقتكم في شئ ممكن يكون مش مهم لبعضنا لكن عن تجربة_الانسان لما بيتغير بيحتاج حد جنبه يشد أزره ويعينه لأنه في البداية بيتحط في اختبارات كتيرة لتوبته
أنا مش هاطلب منك أكتر من انك أول ما تقرأ المقال تدعي للأنسان ده بالثبات لأن ياما مطربين كان عندهم نية التوبة لكن لما بيحس ان فيه حاجات كتير هتضيع منه خصوصا اذا كان مفتقد للتأييد من اللي حواليه بيرجع في لحظة عن كل اللي هيعمله .....
عارفة طبعا ان الانسان لازم يحتمل للنهاية أي عقبات في طريق توبته علشان يبقي صادق في نيته مع نفسه لكن ما تنسوش اخواني ان ربنا بيسبب الأسباب ........كل كام يوم نسمع ان المطرب فلان نزل أغنية دينية ومش هيغني كلام فاضي تاني وفي الأخر ما بيينفذش أي حاجة من اللي قالها.....لانه وببساطه نيته مش صادقة والناس المحيطه بيه هي هي .....
أنا تقريبا قعدت خمس سنين كل يوم فيها أنوي أبطل سماع الأغاني .... ولما بطلتها عرفت أنا ثبت ليه المره ديه رغم أن الظروف هي هي ما اتغيرتش....
ساعتها بس لقيت اصحاب ليا _كنت اتعرفت عليهم في الوقت ده_ قالولي أنهم كانوا بيدعو لي كل يوم ان ربنا يثبتني....
عرفت ساعتها قيمه الدعاء والصحبه الصالحة في طريق توبة أي انسان....
ونظرا لأن الصحبة الصالحة ممكن تكون غايبة مع الانسان الي بأحكي لكم عنه (مثلا منتج عايز يكسب أو ايرادات قليلة أو غيرها كتير)فأبسط حاجة نعملها اننا ندعي له....أوحتي اللي يقدر يشتري الشريط ده يشتريه....
وعايزين سبب صريح لكتابتي للموضوع ده أنا ممكن اقولكم....
أنا حقيقي بعد ما بطلت أسمع الأغاني وابتديت أسمع الاناشيد حسيت أن بعض المطربين صوتهم هيبقي جميل جدا في الانشاد .... يمكن أكتر من التافهات اللي بتتغني اليومين دول.
زمان الواحد كان يسمع الأغنية من هنا ويتأثر بيها ويعيط مثلا ولا يقوم يجري علي المحلات يشتري الشريط وصورةالمطرب فلان يعلقها علي الحائط من كتر اعجابه بيه....
تخيل ان نفس الصوت اللي كان بيعجبك ده بتسمعه في حاجة هادفة .... نشيد كلماته كلمات حق وخير وطاعة ومدح للرسول الكريم ... حاولو يا جماعة تسمعوا الشريط ده ..... ده نفس الصوت اللي كان بيعجبك لما كان بيوصف في الباطل........
فيه طبعا مليون منشد ديني أخدوا طريقم من البداية في الانشاد ..... لكن طبعا اللي بيشدك اكتر صوت المنشد وطريقه القاءه وتأثره بالكلمات....خصوصا لوحد لسه مش قادر يبطل سماع الأغاني.....
طولت عليكم بس الكلام اللي عرضته ده مش علشان واحد مطرب هيتوب لكن علشان كل مسلم عايش بعيد عن اخوانه المسلمين (هنا او في أي بلد مسلم شقيق ) ....... اخي في الله-حاول تنصر دينك بكل طاقتك وأبسطها دعاءك ... حاول تخلي همك في الدنيا انك تكون سبب في هدايه الناس... مش لازم بالضرورة يبقي قريب منك أو أخوك مثلا ... مش لازم ياسيدي برضه يكون مطرب عايز يتوب!!!! ........
جرب بس تمد ايدك للناس.... وربنا يعينك
أنا اسفة لوكان فيه حد منكم حاسس اني اديت الموضوع أكبر من حجمه.... أنا بقيت غيرانة جدا علي ديني وعلي كل مسلم عايش فاكر انه صح لان ما فيش حد بيقوله انت غلط..
بس أصلنا متحاسبين يوم القيامة عليهم .....ومش هأبالغ يا جماعة لو قلت اني في نفس الوقت اللي فكرت فيه بالمطرب ده فكرت في الناس اللي عايزين يتغيروا ومش مش لاقيين حد يعينهم وحسيت بذنب فظيع اني ممكن أكون مسئولة عن فلان وعن فلانة من الناس اللي كنا عارفين انهم عايزين تأييد مننا واحنا اتخلينا عنهم لأي سبب مهما كان..... بس لما فكرت في الكلام ده خفت أكتر علي المسلمين من الحساب اللي هنتحاسبه علي غيرنا من غيرالمسلمين اللي ما بتوصللهمش دعوة للاسلام وما يعرفوش عننا وعن ديننا اي حاجة....
الحمد لله ان أنا وأنت وغيرنا مسلمين..... كان ممكن نكون مكانهم دلوقت .....في الباطل...
عل الاقل عايزين قلوبنا تبقي علي بعض.... خليك غيور علي أخوك المسلم من المعاصي واعمل المستحيل علشان ترجعه عنها...يمكن ديه تبقي الحاجة الأخيرة اللي فاضلة بينا واللي ممكن تفدي نفسك بيها من النار مع كل انسان بتساعده ولو حتي من بعيد....
عايزين فعلا نبقي مسلمين بجد مش بالوراثة.....
(الأناشيد هتلاقوها فيwww.mouslimtube.com (http://www.mouslimtube.com))
والسلام عليكم ورحمه الله وبركاته.....