sabaa 34
16 Dec 2006, 01:53 AM
السلام عليكم
تذكرتكم اليوم الجمعة واني طابخة الدولمة بصراحة هي طبخة عراقية بحته واغلب العوائل العراقية تسويها يوم الجمعة على اللمه يعني لم شمل العائلة ....
وللاسف الكامرة عطلانه والا كنت صورتها لكن بحثت بالمنتديات وشفت صورة بس مو مثل الي سويتها لاني حطيت خضروات مشكلة مع السلق فمنظرهاا كان روووووعه اضافة الى طعمها طبعا :)
طيب حاجات الدولمة هي
السلق- البصل - فلفل اخضر حلو حسب الرغبة -- ممكن الشجر ويكون ناعم وباذنجان ناعم وبطاطا متوسطة الحجم وهذه الخضروات الي راح نحشيها ..
الحشوة لحم غنم مدهن ومثروم ناعم - بصل مثروم ناعم - طماطة - كرفس وشبنت - ثوم حسب الرغبة
والاهم من هذا كله رز ولو كان عنبر طعمها يكون يجنن ..
نستخدم ايضا البهارات المشكلة وفلفل اسود وجوز الطيب ونومي بصرة مطحون وعصير مركز من تمر الهند وملعقة كبيرة من دبس الرمان والملح والسمن وصلصة الطماطم
واستخدم وياها باقلاء جافة ومنقعه قبل يوم حتى احطها بين طبقات الحشو ..
الطريقة ... تخلط الحشوة والبهارات كلها مع بعض وتبدأين بحشو الخضروات التي سبق وفرغتيها من اللب وترص بالقدر وتبدأين بالخضروات الاكثر حاجة لوقت حتى تطبخ مثل الباذنجان والبصل والشجر والفلفل واخر طبقة تكون من السلق وبين هذه الطبقات تحطين كمية من الباقلاء المنقعه وبعدين اذا كان عندك ورق سلق زائد ممكن تفرشيه على الوجه حتى تحافظين على ترتيبه اثناء الغليان واهم ما في الموضوع نسبة الماء الي راح تحطيه فوقها اضغطي على ما حشيتيه براحت ايدك وحطي الماء او عصير طماطة وطبعا مضاف اليه نفس البهارات وصلصة الطماطة مع الملح والحامض وممكن تستعملين عصير الرارنج او النارنج ينطي طعم حامضي طيب ونكهة ولا حظي السائل المضاف ما يكون اكثر من مستوى ايدك الي تضغطين بيها الخضروات المحشوة ... وتحطيها على نار متوسطة وتتركيها حتى تنضج وطبعا اكثر العراقيين يحبوها( ملجعه ) يعني يتركوها على النار حتى تلتصق الطبقة السفلى من المحشي تقريبا بقعر القدر وتخرج الرائحه الزكية منها بس هذه مرحلة دقيقة ما تفصلهل شيء عن الحرق فانتبهي
وبعدين يترك القدر ليبرد قليلا بعد نضجه ليقلب في صينية مدورة .. لو كان حار ويقلب راح تتمزق اكثر الخضروات
ونقدم وياها الطرشي او المخلل مع مشروب اللبن وخبز حار
http://www.ala7ebah.com/upload/uploaded/5902_11166222990.jpg
وبالهناء والشفاء
سبأ
تذكرتكم اليوم الجمعة واني طابخة الدولمة بصراحة هي طبخة عراقية بحته واغلب العوائل العراقية تسويها يوم الجمعة على اللمه يعني لم شمل العائلة ....
وللاسف الكامرة عطلانه والا كنت صورتها لكن بحثت بالمنتديات وشفت صورة بس مو مثل الي سويتها لاني حطيت خضروات مشكلة مع السلق فمنظرهاا كان روووووعه اضافة الى طعمها طبعا :)
طيب حاجات الدولمة هي
السلق- البصل - فلفل اخضر حلو حسب الرغبة -- ممكن الشجر ويكون ناعم وباذنجان ناعم وبطاطا متوسطة الحجم وهذه الخضروات الي راح نحشيها ..
الحشوة لحم غنم مدهن ومثروم ناعم - بصل مثروم ناعم - طماطة - كرفس وشبنت - ثوم حسب الرغبة
والاهم من هذا كله رز ولو كان عنبر طعمها يكون يجنن ..
نستخدم ايضا البهارات المشكلة وفلفل اسود وجوز الطيب ونومي بصرة مطحون وعصير مركز من تمر الهند وملعقة كبيرة من دبس الرمان والملح والسمن وصلصة الطماطم
واستخدم وياها باقلاء جافة ومنقعه قبل يوم حتى احطها بين طبقات الحشو ..
الطريقة ... تخلط الحشوة والبهارات كلها مع بعض وتبدأين بحشو الخضروات التي سبق وفرغتيها من اللب وترص بالقدر وتبدأين بالخضروات الاكثر حاجة لوقت حتى تطبخ مثل الباذنجان والبصل والشجر والفلفل واخر طبقة تكون من السلق وبين هذه الطبقات تحطين كمية من الباقلاء المنقعه وبعدين اذا كان عندك ورق سلق زائد ممكن تفرشيه على الوجه حتى تحافظين على ترتيبه اثناء الغليان واهم ما في الموضوع نسبة الماء الي راح تحطيه فوقها اضغطي على ما حشيتيه براحت ايدك وحطي الماء او عصير طماطة وطبعا مضاف اليه نفس البهارات وصلصة الطماطة مع الملح والحامض وممكن تستعملين عصير الرارنج او النارنج ينطي طعم حامضي طيب ونكهة ولا حظي السائل المضاف ما يكون اكثر من مستوى ايدك الي تضغطين بيها الخضروات المحشوة ... وتحطيها على نار متوسطة وتتركيها حتى تنضج وطبعا اكثر العراقيين يحبوها( ملجعه ) يعني يتركوها على النار حتى تلتصق الطبقة السفلى من المحشي تقريبا بقعر القدر وتخرج الرائحه الزكية منها بس هذه مرحلة دقيقة ما تفصلهل شيء عن الحرق فانتبهي
وبعدين يترك القدر ليبرد قليلا بعد نضجه ليقلب في صينية مدورة .. لو كان حار ويقلب راح تتمزق اكثر الخضروات
ونقدم وياها الطرشي او المخلل مع مشروب اللبن وخبز حار
http://www.ala7ebah.com/upload/uploaded/5902_11166222990.jpg
وبالهناء والشفاء
سبأ